BASAHIN: Ito ang kinumpirma ni Senator Risa Hontiveros sa kanyang social media post na nagsasabing wala na sa Pilipinas si Alice Guo.
Ayon sa datos ng National Bureau of Investigation, umalis ng bansa si Guo noong July 18, papuntang Kuala Lumpur, Malaysia. Dagdag ni Hontiveros, tumuloy si Guo sa Singapore, kung saan nakipagtagpo sa kanyang mga magulang at mga kapatid.
"Who allowed this travesty to happen? Sino ang may kagagawan nito?
Hindi makakaalis si Alice Guo kung walang tumulong sa kanya na mga opisyales ng pamahalaan. Para tayong ginigisa sa sarili nating mantika," bahagi ng post ni Sen. Hontiveros.
"Nangako ang BI sa akin at sa Senate President Pro Tempore na hindi nila hahayaan si Guo Hua Ping na makaalis sa Pilipinas, eh yun pala ay wala na talaga siya. Kung hindi po natin ito gawan ng paraan, as an institution, as a country, parang nagpasampal tayo sa dayuhang ito na paulit ulit na sinasaula ang ating mga batas, patakaran at proseso," dagdag pa ng senadora.
0 Comments