Arestado ang 18-anyos na lalaki matapos maaktuhang nagkakatay ng aso sa Laoag City, Ilocos Norte.
Nakilala ang suspek na si Harley Davidson Mariano.
Batay sa pulisya, nakatanggap sila ng isang tawag na may nagkakatay umano ng aso sa bahagi ng Barangay Pili kaya agad umano silang rumesponde sa naturang lugar.
Mahigit limang kilo ng karne ng aso ang nakumpiska sa operasyon.
Depensa naman ng suspek, hindi siya ang nagkatay ng aso kundi napag-utusan lamang itong magluto at namatay umano ang aso matapos mabunggo ng sasakyan kaya nila ito kinatay.
Ayon sa pulisya ay sa korte nalang umano magpaliwanag ang suspek na simanpahan ng kasong paglabag sa Animal Welfare Act.
0 Comments