Sanggol patay matapos mahulog sa ilog.

Patay ang isang lalaking sanggol matapos umanong mahulog at malunod sa isang ilog sa Navotas City. 

Ayon sa inisyal na imbestigasyon ni PCpl Florencio Nalus, nakatulog umano ang nanay ng sanggol at nang magising siya dakong ala-1:30 ng hapon, napansin nitong wala na sa kanyang tabi ang kanyang anak.

Kaagad itong hinanap ng ina at nagtanong tanong sa mga kapitbahay nila subalit wala umanong nakakita dito.

Ikinagulat na lamang ng ina nang makita niya ang asanggol na nakalutang sa ilog ng Kahunari 1 St., Brgy. San Jose kaya agad itong humingi ng tulong sa kanyang mga kaanak.

Mabilis na rumesponde naman ang mga kaanak na tumalon sa ilog upang isalba ang sanggol.  

Nagawa pang dalhin sa Navotas City Hospital ang sanggol ngunit idineklarang dead on arrival dakong alas 3:00 ng hapon.

Samantala, hindi naman mapigilan ng ina na sisihin ang sarili sa nangyaring pagkamatay ng kaniyangb sanggol.